Skilgreining á skíðafæri

Púðursnjór:  Laus þurr snjór, snjóað hefur í logni.

Troðinn púðursnjór:  Laus þurr snjór sem hefur verið troðinn.

Troðinn þurr snjór:  Nýr snjór eða þurr foksnjór.

Harðpakkaður snjór:  Nokkurra daga gamall þurr snjór sem hefur verið troðinn nokkrum sinnum.

Troðinn blautur snjórSnjóboltasnjór.

Harðfenni:  Snjórinn hefur blotnað og fryst aftur, ekki búið að snjóa lengi.

Unnið harðfenni:  Mulinn snjór, búið er að vinna upp brekkurnar með troðara.

Vorfæri:  Grófkorna snjór, oft á tíðum hart yfirborð að morgni en sólbráð er líður á daginn.

Framleiddur snjór:  Snjór sem er framleiddur með því að sprauta fínum vatnsúða upp í loftið með sérstökum snjóbyssum.