Byrjendaskóli
Fyrir krakka á öllum aldri til að ná tökum á skíðum. Æfingar fara fram í kaðlalyftunni en börn þurfa að vera búin að ná tökum á kaðlinum.

8 ára og yngri
Í þessum hóp eru yngstu æfingakrakkarnir og krakkar sem eru að hefja æfingar á skíðum. Á æfingunum er lögð áhersla á leik og þjálfun í tækniskíðun en einnig er farið í brautir. Allir í hópnum verða að geta bjargað sér í diskalyftunni og brekkunum þar. Boðið verður upp á að skrá krakkana á eina, tvær eða þrjár æfingar á viku. Almennt verða sunnudagsæfingar miðaðar að leikjum og frjálsri skíðun frekar en aðrar æfingar vikunnar.

Á æfingum verður hópnum skipt upp í minni hópa svo að æfingarnar nýtist öllum sem best.

9-11 ára
Miðhópurinn samanstendur af krökkum sem eru komin með meiri getu en yngri iðkendur. En þó boðið upp á fjölbreyttar og skemmtilegar æfingar og hentar því öllum krökkum á þessum aldri sem geta skíða sjálf.

12-15 ára
Hópurinn samanstendur af krökkum sem hafa æft markvisst skíði í minnst 2 ár eða hafa náð færni til að fylgja hópnum eftir. Hópurinn mun aðallega stunda æfingar í Oddsskarði en einnig stefnt að því að æfa u.þ.b. einu sinni í viku í Stafdal.

Facebook síða iðkenda
Æfingahóparnir eru með sameiginlega Facebook síðu. Hægt er að óska eftir aðgangi og er nafn síðunnar Skíðafélagið í Stafdal, skíða- og brettaiðkendur.

Skráning
Allar skráningar berist í gegnum Sportabler. Foreldrar sem skrá fleiri en tvo iðkendur á skíðaæfingar eða í skíðaskóla eru beðnir um að senda tölvupóst til að virkja systkinaafslátt fyrir þriðja barn. Ef einhverjar spurningar vakna má senda póst á This email address is being protected from spambots. You need JavaScript enabled to view it.

Athugið að börn eru á skíðum á ábyrgð foreldra/forráðamanna. Nauðsynlegt er að foreldrar yngri barna og þeirra sem eru að byrja séu á staðnum meðan æfingar fara fram. Skylt er að nota hjálm við æfingar.