Byrjendaskóli
Í byrjendaskóla eru börn á öllum aldri sem eru að stíga sín fyrstu skref á skíðum. Yngstu þátttakendurnir eru börn sem verða 4 ára á árinu, janúar - desember. Krílaskólinn fer alfarið fram í barnalyftunni en þar eru lagðar brautir og þrautir til að auka færni barnanna á skíðum. Markmið byrjendaskólans er að koma börnum af stað í skíðamennskunni og kynna fyrir þeim þessa skemmtilegu íþrótt. Ef getan leyfir geta börn flust yfir í Ævintýraskólann.

Ævintýraskóli
Í Ævintýraskóla eru börn á öllum aldri sem eru orðin nokkuð sjálfbjarga á skíðum og geta bjargað sér sjálf í diskalyftunni og brekkunum. Ævintýraskólinn fer alfarið fram í diskalyftunni. Markmiðið er að allir hafi gaman af skíðamennskunni og verði betri skíðamenn. Í vetrarlok eiga allir að hafa öðlast betri skíðafærni og vera farnir að tileinka sér grunntækni í skíðaíþróttinni. Börn geta að sjálfsögðu flust úr Krílaskóla yfir í Ævintýraskóla hafi þau öðlast færni til.

Fyrstu tökin

Fyrstu tökin er nýtt fjögurra skipta námskeið fyrir börn í fylgd með forrmáðamanni. Hér er lögð áhersla á að börnin venjist að hafa skíðin undir sér og færni til að halda sjálf í kaðlalyftuna. 

Facebook síða Byrjenda- og ævintýraskóla
Báðir skíðaskólarnir eru með sameiginlega Facebook síðu. Hægt er að óska eftir aðgangi og er nafn síðunnar
Skíðafélagið í Stafdal, Byrjendaskóli og Ævintýraskóli

Skráning
Allar skráningar berist í gegnum Sportabler. Foreldrar sem skrá fleiri en tvo iðkendur á skíðaæfingar eða í skíðaskóla eru beðnir um að senda tölvupóst til að virkja systkinaafslátt fyrir þriðja barn. Ef einhverjar spurningar vakna má senda póst á This email address is being protected from spambots. You need JavaScript enabled to view it.

Athugið að börn eru á skíðum á ábyrgð foreldra/forráðamanna. Nauðsynlegt er að foreldrar yngri barna og þeirra sem eru að byrja séu á staðnum meðan æfingar fara fram. Skylt er að nota hjálm við æfingar.